Benvid@s ao blogue do alumnado de 1º de BACH do departamento de grego do IES Ricardo Carballo Calero. Adicaremos o espazo á presentación de helenismos escollidos por nós mesmos e estudados coa nosa profesora.
TagsQuiróptero, do grego χείρ, χειρός, man e πτερόν,-οῦ, á.
De nome común morcego, o quiróptero é un animal vertebrado de orde mamífera, unguiculado (que ten unllas ou garras) e catro extremidades con cinco dedos.
Os catro últimos dedos das súas extremidades anteriores son extremadamente alongados e unidos entre si por unha fina membrana cutánea que continúa ao longo de dita extremidade ás costas do corpo, as patas traseiras e a cola, a modo de á. Ten as patas posteriores voltas cara fóra cos xeonllos cara atrás.
É o único mamífero que é capaz de realizar un voo verdadeiro grazas ao bater da súas ás.
">
Chúzao | 
del.icio.us Piromanía do grego πῦρ, πυρός, lume, e μανία,-ας, manía.
É un trastorno ou enfermidade psicolóxica que produce un gran interese polo lume, como producilo, observalo e extinguilo.
A sintomatoloxía esencial é producir incendios de forma deliberada e consciente. O suxeito experimenta alivio ao encender o lume, presencialo ou ao participar nas súas consecuencias.
A persoa que padece piromanía recibe o nome de pirómano.
